نكت ( فكاهة و مرح ) 2011 الجزء الثاني

بسم الله الرحمن الرحيم
ارجوا من الكل ان يصوت
الأي يهمني
و الان مع النكت





حديد

فيه واحد غبي راح للطبيب .. يوم كشف عليه قاله الطبيب : عندك نقص حديد ولازم تأخذ علاج .. راح الغبي للصيدلية وقال : عندكم علاج للحديد؟ قال الصيدلي : نعم !
قال الغبي : طيب .. عطني سيخين لو سمحت!!!!!

الاب الذكي

غبي يدرس طرده المدير من المدرسة .. جاء ابو الولد وقال للمدير : ليش طردت ولدي من المدرسة ؟
قال المدير : ولدك غبي جداً .. وعشان أثبتلك : يا ولد روح دور علي ( يقصد المدير ) راح الولد ثم رجع قال : ما لقيتك ... قال المدير : شفت !
فقال الأب للولد : رح دور في السيب زين

خكري

خكري ضربه واحد عربجي .. ثاني يوم جمع الخكري كل أصحابه وراح لبيت العربجي .. انفجع العربجي .. فقاله الخكري : شايف كل ذول .. تراهم ما يحبونك

واسطه وخوف

سأل المعلم التلميذ الأول : اذكر لي طائر يبدأ بحرف ( ن ) .. قال التلميذ : نسر
قال المعلم : أحسنت .. ماذا يعمل أبيك ؟ قال : طبيب . فسأل الثاني : اذكر لي طائر يبدأ بحرف ( ح ) .. قال التلميذ الآخر : حمامة . قال المعلم : أحسنت .. ماذا يعمل أبيك ؟ قال : مهندس . فسأل الثالث : اذكر لي طائر يبدأ بحرف ( ت ) . فقال التلميذ : تمساح ! فقال المعلم بغضب : لا يا غبي .. ماذا يعمل أبيك ؟ قال : بالمخابرات !!
فقال له المعلم : يا ابني .. انه يطير لكنه لا يرتفع

حكام اخر زمان

حكم ساحة دخل الملعب ما وجد رجال الخطوط .. راح يدور عليهم .. فوجد اثنين برا .. فا أعطاهم الأعلام وحطهم في أماكنهم في الملعب وقال لهم : إذا فيه فاول ارفعوا العلم .. بدت المباراة .. الجمهور تهاوشوا رفع واحد من الحكام العلم وجاه حكم الساحة وقاله : ليش رفعت العلم ؟ قال : اللي فوقنا تهاوشوا ! قاله : عليك باللي داخل الملعب بس !
وفي أثناء اللعب رفع رجل الخط الثاني العلم ! وجاه حكم الساحة وقاله : ايش فيه؟
قاله : ايش كان يقولك خويي ؟

اكفششششششش
ثلاثه محششين شاردين من دوريه لقوا ثلاثه اكياس قاموا دخلوا
فيها جاهم الضابط وشات الكيس الاول قام اللي فيه يصيح :واااق
واااق ( على اساس ان الكيس فيه بط ) تركه الضابط وراح للكيس
الثاني وشاته صاح اللي فيه ككاااك كاااك ( على اساس ان
الكيس فيه ديوك ) تركه الضابط وراح للثالث وبنفس الطريقة
شات الكيس واللي فيه ساااااكت .. استغرب الضابط وشاته
بقوة مرة ثانيه ومافي رد ... عصب الضابط وشاته باقوى
ما عنده طلع المحشش يصيح:: يلعن ابوك بطاطس اش تبيني اقول

تعلم النذاله

أصدقاء واحد نذل والثاني حرامي الحرامي قال اعلمك السرقه وتعلمني النذاله ووافق النذل ... راحوا لسوق قام الحرامي يسرق من الخلق والنذل يتعلم .. وشوي قال الحرامي يالله علمني النذاله ... صاح ربيعه النذل باعلى صوت .. حرااااامي حراااامي الحقوه

خيانه

غبي زوجته جابت توأم جلس اسبوع يهددها بالطلاق اذا ما اعترفت بالرجال الثاني

عجوز مخرفه

عجوز راحت تعزي ناس . قالت لهم :" كيف مات أخوكم ؟ "
قالو لها : " كان واحد من زملاه يمزح معاه بمسدس .. فطلعت رصاصة بالغلط مع راسه "
قالت العجوز : " ايه .. الحمدلله ما جت في عينه

نعل ابو النذاله

حرامي ( نذل ) دخل بيت .. ما لقى شيء يسرقه ... اتصل على أمريكا
وترك السماعة مرفوعه

كمان نذل

فيه واحد ( نذل ) تزوج .... راح شهر العسل لحاله

وشوية نذاله

فيه أثين محكوم عليهم بالإعدام .. سألوا الأول : ايش أمنيتك قبل ما تموت ؟ .. قال : أشوف ماما .. وسألوا الثاني وكان ( نذل ) : ايش أمنيتك ؟ .. قال : ما أبغى الأول يشوف أمه

طيب

واحد على نياته جلس مع اثنين اصحاب مخدرات المهم اصحاب المخدرات يسولفون مع بعض واحد منهم يقول : الليله الحبوب علي . والثاني يقول : البودره علي .
قال لهم اللي على نياته : طيب .. الكيرم علي أنا

مقلب

واحد دايم يتعتع المهم راح مع اصدقائه من الرياض الى الدمام .. اصدقائه جمعوا قطه الفلوس وخلوها عند اللي يتعتع .وهم في الطريق قال لهم اللي يتعتع : تتتتتتتتتتتتتت طول الطريق وهو كذا يوم وصلوا الدمام قالوا له وش عندك تراك ازعجتنا قال لهم :" تراني نسيت القطه" . قالوا له كان علمتنا من اول المهم رجعوا للرياض وطول الخط واللي يتعتع يقول :تتتتتتتتتت الى ان وصلوا الرياض فقالوا له : وش عندك ؟
قال : " تروني أمزح"

واسطه جامده

قروي اسمه ( ابو حمد ) اشترى سياره جديده ، وقال لربعه انه يبغى يحط اسمه على لوحة السياره مع رقم مميز ( ابو حمد 999 ) .. المهم راح للمرور وقالوا له يأخي ما يصير لازم ثلاث حروف وثلاث أرقام بس .. الرجال ما اقتنع وأبلش امة محمد يا ما كلم ذا وترجى ذاك وما خلى واحد في المرور الا وكلمه .. لين اقتنع .. وقالهم : " خلاص .. حطوا لي ( ح م د 999 )".
وهو ماشي في الطريق شاف سياره بجنبه مكتوب عليها ( أبو ظبي ) . ثار الرجال وزعل وقال : " نعنبوا الواسطه يا شيخ "

حرامي مقهور

حرامي نذل يبي يسرق بيت عجوز . وقعد يراقبها لين تنام .. العجوز قاعده تعقد شعرها وتفرقه .. وتعقده وتفرقه .. وأخيراً يوم قضت ونامت طب على البيت .. وما لقى شيء يسرقه .. قام حاس شعر العجوز وطلع

ورطه

واحد محشش كان يسوق السياره .. وقف عند نقطة تفتيش .. قاله العسكري : لو سمحت الرخصه والإستماره ..... قال المحشش : أي حشيش اللي أنت تتكلم عنه

وراه وراه

واحد عنده جيب مكتوب عليه4*4 عاد كل ما قام الصبح ، لقى واحد كاتب قدامها
= 16
ا لمهم تعب الرجال من تمسيح =16 . قام طلب من مصنع سيارات الجيب انهم
يعطونه سيارة مكتوب عليها 4*4=16 . المهم يوم قام الصبح لقاه كاتب بجنبها صح

الله يعينه

واحد عزوبي . المسكين إذا جاء يقول كلمه فيها حرف ( ل ) يتعتع ؛ يعني إذا جاء يقول ( ليل ) يقول لللللللللليل . المهم الرجال دايم يروح للمطعم ويطلب رز و دجاج بلاه يستحي يطلب لحم عشان ما يتعتع وكل يوم على ها الطريقة . جاء يوم وصمم يأكل لحم ، قام طلع من الشقة وهو يقول للللللللللللللللل" وركب السيارة وهو يقول :"للللللللللللل" ويدور من عند الإشارة وهو يقول لللللللللللللللل" ويوقف عند المطعم وهو يقول :"لللللللللللل" . ودخل المطعم ، ويوم وصل عند الجرسون قال : " لللحم ورز ". قال الجرسون : " وش تقول .. ما سمعتك؟" . قال :" رز ودجاج الله ياخذ عمرك

لغات

قروي رايح يعالج في أمريكا، سأله الطبيب عن الكوي اللي في بطنه: وات إز ذس ؟ ... قال القروي: ذس إز ... تش ... أح

نذاله

واحد جاء الى جده لقيه يطلع في الروح .... لحقه بسكين