أنا بعد الفراق والعلاقات الغير مشروعه بين الجنسين

نور:- انا شلون سويت جذي شلون .... وتمت تبجي
خالد :- نور انا اسف والله ماعرف شلي صار نور انا احبج لاتخليني
نور :- وخر عني مابيك اكرررهك
خالد وقف من الصدمه :- اكرهك ؟
نور ماتحملت خذت روحها وطلعت من الشقه
خالد كان بيلحقها بس ماقدر كره روحه على اللي سواه في نور وكره روحه لان نور كرهته كان بيلحقها بس خاف يسمع هالكلمه مره ثانيه وينقهر ...
اما نور فمشت لأبعد نقطه عن الشقه اتصلت في بنت خالتها سمر وياتها ركيض
سمر طالعت نور من فوق لتحت ويها كان جذي !!!!! قربت من نور لمتها وسالتها ليش تصيح وليش شكلها جذي نور ماردت ركبت السياره ودموعها اربع اربع وعقب ربع ساعه
سمر :- يعني ماتبين تقولين لي شفيج
نور :- خالد
سمر :- شفيه !
نور :- اغتصبني
في نفس الوقت خالد كان يحاول يتصل في نور ويعتذر عن اللي صار كان يبي يقولها ان بيتقدم لها وان اسف بس تلفون نور كان مغلق
مرو شهرين وفي هالشهور خالد كان يحاول يتواصل ويانور بس ماقدر تلفون نور مغلق وماتدخل المسنجر ولاتطلع من البيت خاف عليها خاف ان تسوي في روحها شي خاف ان اهلها يعرفون ويذبحونها بس للأسف خوف خالد تأخر
اما نور فتتحمل 50 % من الذنب راحت له بريولها ونست ان كل اثنين لهم ثالث واهوه الشيطان تذكرت هالكلام بس عقب ماتأخر الوقت ,,, نور انهت حياتها بيدها طلبت من ابوها يسحبها من الجامعه وابوها مارضى في البدايه بس نور تعذرت انها بنيه والبنيه ماردها لبيت ريلها وطاحت حب في اهلها لين طلعوها من الجامعه وفي يوم كانت في غرفتها يا سمر
سمر :- انزين تعالي نروح السيتي بنغير جو
نور اشرت براسها ان لا
سمر :- وبعدين معاج يانور خلاص انسي اللي صار مو ناقص الا تنتحرين
نور :- -----
بنفس الوقت دخل بو نور
بونور :- شلونج سمر شلون الاهل عساهم بخير
سمر :- بخير يسلمون عليكم عمي
بونور :- الله يسلمج ويسلمهم
سمر :- يالله انا استاذن
بونور :- لا قعدي انا طالع بس حبيت اطمن عليكم
سمر :- مايحتاي عمي خلك انا وراي امتحان يالله في امان الله
بونور :- في امان الباري
بونور :- ياحليلها سمر محد مونسج غيرها
نور ابتسمت وكأن الابتسامه صعبه تطلع منها
بونور :- نور يابنيتي انا مثل ماتعرفين ريال وعلى قد حالي وماعندي الا انتي واخوج احمد وامكم الله يحفظها احمد درس وتخرج والحين جوفيه ماشاء الله عليه شزينه وانتي تغيرتي مره وحده وين نور الاوليه الشاطره المرحه
نور :- يبه ا ا ن ا انا
قطعها بونور واهوه يقول :- نور في واحد تقدم لج وانا وافقت
نور شهقت وقالت :- شنوووووووو!
بونور :- محمد المحمد خوش ريال ومن عايله راهيه ويخاف ربه ولاخذتيه مابيقصر معاج وبيحطج بعيونه واهوه بنفسه قالي هالكلام وانتي يابنيتي قاعده في البيت حتى الدراسه مارضيتي تكملينها ومابقى لج الا ولد الحلال اللي يستر عليج ويحطج في عيونج وترى انا مب دايم لج وانا ابوج وانا ابي مصلحتج وحتى امج واخوج موافقين عليه
نور كانت تبجي وياكلمات ابوها كانت تكلمه روحها يبه انا مو مثل باقي البنات يبه انا مافدر اتزوج لو تزوجت بافضحك ولو تكلمت بافضح روحي يبه تكفى حس فيني وهون يالله انا شسويت في روحي وينك ياخالد تعال جوف حالي وينك
بونور تم يسولف لها عن العرس !! وشهر العسل والخ والخ وكان مستانس وايد لبنته وعقب طلع من الغرفه اما نور فتمت تبجي لين نامت
تمر الأيام نور حاولت تنتحر بس سمر كانت معاها على طول وفي يوم راحت سمر السوبر ماركت وخلت نور في السياره ويالشغاله والا تنصدم في صوت يقول :- سمر !
سمر :- خالد !
خالد :- سمر شلونج وشلون نور سمر اكيد دريتي عن الي صار والله انا احب نور واموت فيها سمر تكفين خليها ترد علي تكفين والله اتعب من غيرها اموت
سمر :- خالد ترى ن و ر نور
خالد :- نور شنو شفيها تحجي
سمر :- نور ماتت
خالد دمعت عيونه وتم يصارخ في مكانه لا لاااااااااااا لاااااااااااااااااااااا الكل كان يطالعه وكان مثل الي فقد اعصابه سمر ركضت من السوبر ماركت للسياره وخافت ان خالد يجوف نور حركت بسرعه
نور :- شفيج مستعيله وشهالصراخ
سمر :- في حرامي في السوبر ماركت
نور :- .....
خالد طلع من السوبر ماركت وتم يركض ويركض ويركض ويه كان احمر وكأن دموعه تحترق تعب وقعد ع البحر يبجي وكان يتمنى ان هالخبر يطلع جذب

تتوقعون خالد بيعرف ان نور للحين حيه وهل نور بتتزوج محمد وشنو ردة فعل محمد لو عرف حقيقة نور هل بيذبحها او بيطلقها اشياء كثيره ومواقف خطيره بتتغير مع الاجزاء اليايه ...

>>> يتبع <<<

__________________
في مدرسة البنات روحي تحبك


منقول